Teir gomlu føroyingarnir dugdu helst allir at seta niður og taka upp epli, men støðan er øðrvísi ídag. Undan páskum hevði Fróði Skúvadal skaffað næmingunum í 1. flokki eitt jarðarstykki, har tey kundu velta nøkur epli í sambandi við undirvísingina í tilfeingisfrøði.
Fyrrapartin ídag var trongligt í fyrilestrarsalinum á Miðnámi í Vestmanna, tí skúlin hevði vitjan av so nógvum fólkum uttanífrá. Tveir flokkar frá Herning Gymnasium við 56 næmingum og lærarum vóru á vitjan, umframt ein flokkur við næmingum á Glasir og okkara egnu næmingar. Ætlanin var, at Pál Weihe skuldi halda fyrilestur á skúlanum við heitinum “Havdálking og fólkaheilsa”, men av tí at Pál er staddur í USA, helt Maria Skaalum Petersen fyrilesturin ístaðin.
Fyrrapartin ídag slógu næmingar og lærarar tunnu omafyri skúlan, sum siður hevur verið seinastu nógvu árini. Jógvan Sigurd Hattarstein í 1. flokki gjørdist kattakongur í ár.
Tá tunnuslátturin var av, fingu øll føstlávintsbollar og heitt kakao í kantinuni á skúlanum.
Lestrarmøguleikarnir í Føroyum eftir Miðnám gerast alsamt fleiri ár undan ári. Tí skipar lestrarvegleiðingin á hvørjum ári fyri einum kunningardegi fyri næmingunum, sum fáa prógv á tilfeingisbreytini í summar.
Í tilfeingisfakinum á Miðnámi í Vestmanna sleppa næmingarnir eisini at royna seg úti í náttúruni og í tí veruliga lívinum. Hendan morgunin tók 2. flokkur eplini upp, sum tey settu niður í vár, tá tey gingu í 1. flokki.
Tveir fyrrverandi næmingar á skúlanum fremja nýbrot innan kanning av laksalús.
Hans Meinhard í Eyðansstovu hugleiðir um, hvørji virði náttúran hevur í dagsins samfelag.
Tórður Mikkelsen vitjar skúlan.
Tilfeingisbreytin á Miðnámi í Vestmanna er ætlað føroyskum ungdómum, sum hava áhuga fyri føroysku náttúruni, umhvørvinum og burðardyggari gagnnýtslu av náttúruríkidøminum.
Tilfeingisbreytin gevur almennan lestrarførleika til hægri lærustovnar á jøvnum føti við hinar gymnasialu breytirnar.
FrágreiðingarUndirvísingarfrágreiðingar